اكتشافي للعالم عم بكون كل يوم اكثر واكثر

تعرفت على شكل جديد للحب، الحب اللي ممكن يتخلى عن كل شي علشان الاشخاص اللي بنحبهم. تعرفت انوا التعبير عن المشاعر وتكون ضعيف وصادق قدام الشخص اللي بتحبوا هو قوة وليس ضعف، من الضعف بتيجي القوة. تعرفت كيف انوا احنا البشر ما بنقدر قيمة الشئ الا لما يروح، وحتى لما يروح بناخد وقت لنحس بقيمته. تعرفت كيف ممكن يكون الصراع الداخلي جوا الانسان اقوى من كل شي ولفترة صوت الانا لازم يسيطر على كل شي، لازم يخلينا نخسر اشياء حلوة في حياتنا، ،مهما حاولنا نسيطر على الأنا بتظل اقوى من كل شي ثاني. تعرفت انوا الصراحة هي اقوى شي في الدنيا بس كيف ما تكون جارحة. تعرفت كيف لما يكون في نهاية لاي بداية حلوة انها تكون نهاية حلوة زي ما بدت. تعرفت كيف كل شي في الحياة اللي بنعيشها مرتبط ببعضوا، الناس والاحداث بتعلمنا عن حالنا اذا بدنا نشوف الحقيقة. تعرفت قديش صعب تصارح نفسك بحقيقة نفسك بس قديش بنفس الوقت هاي الصراحة حلوة ومريحة